Jer betinde 95 mln adam kedeılik jaǵdaıynda ómir súrip jatyr – BUU

NЬıÝ-IORK. QazAqparat – 2022 jyly álemdik ekonomıka jaǵdaıy aıtarlyqtaı nasharlady. Álemdik óndiristiń jyldyq kólemi 2,5 %-dan 2,8% deıin ósedi dep kútilip otyr, bul buryn boljanǵannan edáýir tómen. Bul týraly BUU Bas Assambleıasy Ekinshi komıtetiniń otyrysynda Bas hatshynyń ekonomıkalyq jáne áleýmettik máseleler jónindegi orynbasary Lı Djýnhýa málimdedi, dep habarlaıdy QazAqparat BUU jańalyqtaryna silteme jasap.

Ol BUU Bas Assambleıasynyń Ekinshi komıtetiniń sheshimderin ázirleý kezinde memleketter arasyndaǵy «úlken qarjylyq alshaqtyqty» eskerý qajet ekenin atap ótti.

Kóptegen damýshy elder áli de pandemııamen kúresip jatyr, olar joǵary ınflıatsııa men ekonomıkalyq daǵdarysty jeńýge tyrysyp jatyr.

Daǵdarys energııa baǵasynyń kúrt ósýina baılanysty odan saıyn shıelenisken.

Lı Tszıýnhýa 2022 jyly óte kedeı jaǵdaıda 95 mıllıon adam ómir súretinin atap ótti.

«Ǵylym, tehnologııa jáne ınnovatsııalar adamdardyń ál-aýqatyn edáýir arttyra alady, biraq ázirge kóptegen adam ınternetke qol jetkize almaı otyr», - dep atap ótti ol.