Jer basyp alýshylar Bishkekten ketýge kelisim berdi
ASTANA. Sáýirdiń 19-y. QazAqparat - Bishkekte jer basyp alýshylar uıymdastyrǵan tártipsizdikter báseńsı bastady. Qala mańynan astanaǵa kelip, ózderine jer ýchaskelerin bólýdi talap etken jas jigitter qaladan shyǵyp ketýge kelisimderin berdi,
dep habarlaıdy QazAqparat qyrǵyzstandyq AKIpress agenttigine silteme jasap.
Budan buryn habarlanǵandaı, tártipsizdikter Maı jáne Lenın aýyldarynda bastalǵan. Sosyn jınalǵan tobyr (túrlishe málimetterge saı, bir myńnan eki myńǵa deıingi adam) bılikke jer bólýge qatysty óz talaptaryn bildirý maqstaymen Bishkekke jol tartqan.
Tártipsizdikke jol bergender kesek tastarmen, taıaqtarmen jáne bilgek temirlermen qarýlanǵan. Jol boıy olar kezdeısoq júrginshilerge shabýyldaǵan jáne mashınalardy qıratqan. Tobyr Jıbek-Jolý dańǵyly men Jas gvardııa býlvary qıylysyna toqtaǵan. Oqıǵa ornyna, ITAR-TASS agenttiginiń aqparaty boıynsha, arnaıy bólimshe qyzmetkerleri men ishki ister áskerleri jiberilgen.
Jer basyp alýshylar Bishkektiń ýaqytsha meri Isa Omýrkýlovtyń qalanyń syrtynan jer bólý týraly máseleni, sondaı-aq áldebir ustalǵandardy (áńgimeniń dál kim týraly ekeni jónindegi aqparat naqtylanbaıdy) bosatý týraly ýáde bergennen keıin ǵana taraı bastaǵan. BPC (Bishkek baspasóz klýby) aqparat kompanııasynyń naqtylaýynsha, Omorkýlovty qorshap alǵan bul tobyr Maı aýylynda basyp alǵan jerlerdi jańa qojaıyndar ıeliginde qalatyny týraly ótinishterge ýaqytsha merdi qol qoıýǵa májbúr etken.
«Interfaks» agenttiginiń aqparatyna saı, jas jigitter budan buryn basyp alǵan ýchaskelerin bosatýdy qalamaıdy da. «Eger qalalyq bılik qalada jer joq dese, onda qaladan tysqary jerdi alýymyz kerek», dep talap etken, Bishkektegi júıesiz sherýlerdiń birinde sóılegen jańaǵydaı jastardyń bireýi.
