Jer astynda qalyp qoıǵan chılılik kenshilerdiń otbasylary 27 mıllıon dollar talap etip otyr
ASTANA. Qazannyń 1-i. QazAqparat - Chılıdiń soltústigindegi San-Hose shahtasynda jer astynda qalyp qoıǵan 27 kenshiniń otbasy el úkimetin jáne shahtanyń ıesi San Esteban kompanııasyn sotqa berdi. France-Presse agenttiginiń habarlaýynsha, olar ár kenshi úshin 1 mıllıon dollar kóleminde ótemaqy tóleýdi talap etýde.
San-Hose shahtasyna jaqyn jerde ornalasqan Kaldera qalasynyń meri Brıýnılda Gonsalestiń aıtýynsha, shahterlardyń otbasylary sottan shahtadaǵy apat úshin jáne eki aı boıy jerdiń ústine kóterile almaı otyrǵandar úshin kimniń jaýap beretinin anyqtaýdy talap etip otyr. Mer radıoda sóılegen sózinde sondaı-aq, qutqarýshylardyń shahterlardy qutqarýǵa bar kúshterin salmaı otyrǵandaryn málim etti.
Sot buǵan deıin Chılı úkimetiniń bastamashylyǵymen San Esteban kompanııasynyń avtıvterin jaýyp tastaǵan bolatyn. Ókimet jalǵasyp jatqan qutqarý operatsııalaryna kompanııanyń qarajatyn paıdalana alý úshin osylaı jasalǵan bolatyn.
Tamyzdyń 5-i kúni bolǵan apat saldarynan 32 chılılik azamat jáne bir Bolıvııa azamaty San-Hose shahtasynda qalyp qoıdy. Oqıǵadan 17 kúnnen keıin ǵana olardyń aman qalǵany málim bolyp, sodan beri qutqarý jumystary júrgizilip keledi.
