Jer astynda qalyp qoıǵan 80-nen astam kenshiniń taǵdyry beımálim bolyp otyr
ASTANA. 31 naýryz. QazAqparat - Qytaıda Tıbet avtonomııalyq aýdanyndaǵy altyn ken ornynda laı kóshkininen jer astynda qalyp qoıǵan 83 kenshiniń 2-eýiniń máıiti shyǵaryldy, dep habarlaıdy 24.kz.
Ázirge shahtada qalǵan ózge jumysshylar taǵdyry belgisiz. Esterińizge salsaq, taıaýda ken orny ornalasqan aýdanda 3 shaqyrym aýmaqty 2 mıllıon tekshe metr batpaq pen tas basyp qalǵan edi. Jer astynda qalǵan adamdardy izdep jatqan qutqarýshylarǵa kún raıynyń qolaısyzdyǵy kesirin tıgizýde. Qazir munda myńdaǵan maman júr. Oqys oqıǵa ornynda órt sóndirýshiler men dárigerler de bar. Negizi Qytaı taý-ken óndirisi álemde eń qaýipti bolyp sanalady. Jyl saıyn ken oryndaryndaǵy apattan myńdaǵan kenshi opat bolady eken.
