Jer astynan ejelgi sý kózi tabyldy
ASTANA. 17 mamyr. QazAqparat - Kanada men Anglııanyń ǵalymdar toby jer astynan ejelgi sý kózin tapty. Jer astyndaǵy sý mıllıard jyldaı jatqan, onyń qramynda ómirlik qajetti mıkroorganızmder bolǵan.
Bul týraly MedıkForým saıty habarlady.
Zertteýshilerdiń habarlaýynsha, tabylǵan sý ǵalamshardaǵy eń ejelgi sý kózi bolyp otyr. Olarda tiri organızmder de bolýy múmkin. Mundaı ashylym, Qyzyl ǵalamshardyń tereń túpkirinde de jerasty sý qoımasy bolýy múmkin degen úmit uıalatady.
Sýdy 2,4 shaqyrym tereńdikte Ontarıo provıntsııasynan Manchester, Lankster, Toronto jáne Makmaster ýnıversıtetteriniń zertteýshileri tapty.
Jer asty sýynyń quramynda erigen gazdar, sýtegi, metan, ınertti gazdar: gelııdiń, neonnyń, argonnyń jáne ksenonnyń ártúrli ızotoptary bolǵan. Manchester ýnıversıteti ǵalymdarynyń aıtýynsha, sýdyń ózine 1,5 mlrd. jyl, al ony qorshaǵan jynystarǵa keminde 2,7 mlrd. jyl bolǵan. Jer astyndaǵy álemde kún kóziniń jaryǵynsyz ómir bar ma, bul jaǵy ázirge belgisiz. Zertteýshiler taıaý arada osy máseleni zertteýge kirispek.
