Jer alyp beremin dep tanysyn aldap ketken túrkistandyq azamat qolǵa tústi

TÚRKІSTAN. QazAqparat - Túrkistanda jer alýǵa qujat rásimdep beremin dep alaıaqtyq jasaǵan er adam ustaldy, dep habarlaıdy QazAqparat oblystyq PD baspasóz qyzmetine silteme jasap.

Túlkibas APB-ǵa jergilikti turǵyn aryzdanyp, tanys azamat jerge qujat jasap beremin dep 70 000 teńge aqshasyn alyp, san soqtyryp ketkenin kórsetken. Atalǵan jaıtty polıtsııa qyzmetkerleri QR QK-niń 190-baby «Alaıaqtyq» boıynsha tirkeýge alǵan.

Jedel-tergeý tobynyń shuǵyl izdestirý jumystarynyń nátıjesinde Túlkibas aýdanynyń turǵynyn anyqtap, tártip saqshylary ony polıtsııa bólimine jetkizdi.

Tergeý kezinde belgili bolǵandaı, kúdikti aldaý jolymen alǵanyn moıyndady. Qazirgi tańda kúdikti er adamǵa qatysty sotqa deıingi tergep-tekserý amaldary júrgizilýde.

Polıtsııa qyzmetkerleri turǵyndarǵa kúmándi qyzmet usynǵan kez kelgen adamǵa senbeýin eskertedi.