«Jer alyp beremin» dep adamdardy aldaǵan 62 jastaǵy áıel ustaldy

QONAEV. KAZINFORM — Almaty oblysy Eńbekshiqazaq aýdanynda polıtsııa «Alaıaqtyq» baby boıynsha is qozǵady.

Almaty oblysy Polıtsııa departamentiniń málimetinshe, 62 jastaǵy áıel «jer telimin rásimdeýge kómektesemin» dep, adamdardan aqsha alǵan. Keıbir turǵyndardan 45 myń teńge, al bireýinen 200 myń teńge alǵan.

Qazirdiń ózinde 29 jábirlenýshi anyqtaldy.

Polıtseıler bul san áli de ósýi múmkin dep otyr.

— Qazirgi ýaqytta kúdiktige qatysty «Alaıaqtyq» baby boıynsha qylmystyq is qozǵaldy. Tergeýshiler dálelderdi muqııat jınap, barlyq jábirlenýshilerdi anyqtaýmen qatar, onyń basqa da qylmystyq áreketterge qatysy bar-joǵyn tekserip jatyr, — dep málimdedi departamentten.

Eske salaıyq, buǵan deıin Almaty oblysynda aýdannyń eks-ákimine qatysty tergeý aıaqtalǵanyn jazǵanbyz.