JEO jumysyndaǵy irkilister nelikten «tehnologııalyq aqaý» dep ataldy

QR Energetıka mınıstri Almasadam Sátqalıev jylý elektr stantsııalary jumysyndaǵy aqaýlar nelikten apat emes, tehnologııalyq buzýshylyq bolyp sanalatynyn túsindirdi, dep habarlaıdy Kazinform.

«Tehnologııalyq buzýshylyqtar biliktiliginiń anyqtamalyǵy bar – olar birinshi, ekinshi, úshinshi dárejeli bolyp bólinedi. ıAǵnı, neniń apat dep sanalatyny, neniń tehnologııalyq buzýshylyq dep sanalatyny jazylǵan. Klassıfıkator boıynsha bul – tehnologııalyq aqaýlar», - dep túsindirdi Almasadam Sátqalıev Úkimette ótken brıfıngte.

Energetıka mınıstri birneshe óńirdegi JEO jumysynda nege bir mezgilde aqaý bolǵanyn túsindirdi.

«Kún sýytyp, stantsııalarǵa qysym jasaldy, alaıda jeliler eskirgen edi. Buǵan deıin aıtqanymdaı, statıstıkaǵa sáıkes, alǵashqy sýyq túskende júrgizilgen jóndeýlerden keıingi birinshi júkteme belgili bir tehnologııalyq aqaýlardy kórsetedi. Bul aqaýlardy der kezinde retteý mańyzdy. Bul termınologııanyń prıntsıpi nede? Apat dep ataýǵa bolady, biraq tehnologııalyq tilmen aıtqanda, bul «tehnologııalyq aqaýlar», - dep túsindirdi Almasadam Sátqalıev.

Esterińizge sala keteıik, Energetıka mınıstri Almasadam Sátqalıev Rıdder, Temirtaý jáne Ekibastuz JEO jumysyndaǵy jaǵdaıdy «tehnologııalyq aqaý» dep atady.

Mınıstrdiń aıtýynsha, tehnologııalyq buzýshylyqtar sıpatyna sáıkes, atalǵan jaǵdaılardyń eshqaısysy apatqa jatpaıdy.