JEO men AES 1 GVt elektr energııasyn óndirgende qansha tonna zııandy zat shyǵarady
ASTANA. KAZINFORM – Balqash kólinen AES qajettilikteri úshin jumsalatyn jyldyq sý ysyraby onyń tabıǵı býlanýynyń shamamen 0,33 paıyzyna ǵana teń. Bul týraly L. Gýmılev atyndaǵy Eýrazııa ulttyq ýnıversıtetiniń ıadrolyq fızıka kafedrasynyń oqytýshysy Amangeldi Nurlan aıtty.
«Elimizde organıkalyq otyndy jaǵý kezinde kómirqyshqyl gazy - 81,6 paıyz, metan - 12,4 paıyz jáne azottyń shala totyǵy 5,6 paıyz bólinedi. Bul - zııandy zattar. Aıtalyq, jylý elektr ortalyǵy men atom elektr stansasy 1 GVt elektr energııasyn óndiredi delik. Sol kezde JEO 120 myń tonnaǵa deıin kúkirt totyǵyn, 20 myń tonnaǵa deıin azot totyǵyn, 1 500 tonnaǵa deıin maıda kúl, 3 mln tonnaǵa deıin kómirqyshqyl gazyn, 300-400 myń tonnaǵa deıin kúl shyǵarady. Al AES-te mundaı zııandy zattar 0 tonnaǵa teń», - dedi ǵalym EUÝ-da ótken dóńgelek ústel otyrysy barysynda.
Sonymen qatar, ol AES Balqash kóli mańyna salynǵan kezde qansha sýdy shyǵyndaıtyndyǵyn atap ótti.
«1200 MVt eki blokty AES salqyndatý munaralaryndaǵy sýdyń jyldyq shyǵyny 0,063 mlrd tekshe metr dep baǵalanady. Balqash kóliniń kólemi -108 mlrd tekshe metr. Balqash kóliniń betinen býlaný kólemi jylyna 18,934 mlrd tekshe metrdi quraıdy. ıAǵnı, Balqash kólinen AES qajettilikteri úshin jumsalatyn jyldyq sý ysyraby onyń tabıǵı býlanýynyń shamamen 0,33 paıyzyna ǵana teń», - dedi Amangeldi Nurlan.
Onyń dereginshe, 2050 jylǵa qaraı barlyq eldiń AES-inen óndiriletin elektr energııasy 792 GVt deıin 2 esege artady. Jalpy, álemde 415 reaktor jumys iste tur. Olar 373 735 MVt elektr energııasyn óndiredi.
Munan bólek, álemniń 15 elinde 60 reaktor salynyp jatyr. Bul reaktorlar paıdalanýǵa berilgen kezde qosymsha 62 637 MVt elektr qýatyn óndiretin bolady.
