JEO-2 jolyna qaıta jóndeý jumystarynyń júrgizilýine baılanysty avtokólik qozǵalysyna shekteý qoıylady - Astana
ASTANA. 9 mamyr. QazAqparat - JEO-2 jolyna qaıta jóndeý jumystarynyń júrgizilýine baılanysty ústimizdegi jylǵy 11 mamyr kúni saǵat 22.00-den 25 mamyrǵa deıin Alash tas jolynan Pýshkın kóshesine deıingi ýchaskede avtokólik qozǵalysyna shekteý qoıylady.
Astana ákimdiginiń málimetinshe, atalǵan joba sheńberinde ınjenerlik jeliler men qosymsha avtoturaq oryndaryn salý, joldy keńeıtý, jaıaý júrginshige arnalǵan joldardy abattandyrý, jaryqtandyrý, kógaldandyrý, jańa baǵdarshamdar, jol belgilerin ornatý qarastyrylǵan.
Astana qalasynyń Jol polıtsııasy basqarmasy avtokólik ıelerine JEO-2 baǵytyna joldy aldyn ala josparlap, kelesi aınalma joldy paıdalanýǵa keńes beredi: Alash tas joly - Aqjol kóshesi - Pýshkın kóshesi, keri baǵytta osy qozǵalys kestesine sáıkes.
