Jeńisimdi otanym men otbasyma arnaımyn – paralımpıadashy Erkin Ǵabbasov

ASTANA. KAZINFORM – Búgin qazaqstandyqtar XVII jazǵy Paralımpıada oıyndarynyń júldegeri Erkin Ǵabbasovty elorda áýejaıynan qoshemetpen qarsy aldy. 

R1 klassynda vıntovkamen 10 metrge para nysana kózdeýden synǵa túsken otandasymyz el qorjynyna kúmis syılaǵan edi.

Altyn medaldy 249.4 upaı jınaǵan Koreıa sportshysy Park Dj, al qola medal 226 upaı jınaǵan Danııa eliniń sportshysy enshiledi.

Olımpıada jeńimpazyn qarsy alýǵa sportshynyń jaqyndary, dostary men jankúıerleri jınaldy.

«Qarsylastarym óte tanymal, men olarmen qatar óner kórsetkenime maqtanamyn. Qatty ýaıymdadym. Paralımpıadanyń altyn júldesin alǵan Pak Djınho qatelespesem álemdik rekordshy, buǵan deıin 3-4 ret Paralımpıadaǵa qatysqan. Qarsylastarym myqty boldy», - dedi Erkin Ǵabbasov BAQ ókilderine suhbat bere turyp.

Sondaı-aq, sportshy oıyn barysynda jankúıerlerdiń qoldaýyn sezingenin aıtty.

«Meni anam, áıelim men balalarym únemi qoldaıdy. Áıelim únemi menimen birge júredi, bul joly da qasymda boldy. Odan bólek, jaqyndarymnan, dostarymnan, áriptesterim men sport qaýymdastyqtarynyń qoldaýyn sezindim. Sondyqtan da jeńisimdi otanym men otbasyma arnaımyn», - deıdi jeńimpaz jerlesimiz.

Eske sala ketsek, Erkin Ǵabbasov Paralımpıada oıyndarynyń kúmis júldesin enshiledi.