Jeńiske jetý úshin rýhanı kúshti bolý kerek — Meıirjan Mátjan
QONAEV. KAZINFORM — V Dúnıejúzilik kóshpendiler oıyndarynda Almaty oblysy atynan qatysatyn sportshylar Astanaǵa erekshe qurmetpen attandy.
Dúnıejúzilik kóshpendiler oıyndaryna shyǵaryp salý rásimi — oblys ortalyǵy Qonaev qalasyna kire beristegi «Barys» monýmentiniń janynda ótti.
Delegattar quramynda batyr men elshiler, jattyqtyrýshylar, sportshylar, sport ardagerleri, BAQ ókilderi bar.
«Kóshpendiler oıyny — eń aldymen, ıntellekt pen minezdiń tabandylyǵyna yqpal etedi. Jeńiske jetý úshin ıntellektýaldy damyǵan, rýhanı kúshti jáne fızıkalyq daıyn bolý kerek. Bul qasıetter kóshpeli halyqtardyń minezine tán», — deıdi kókpardan oblys jattyqtyrýshysy Meıirjan Mátjan.
Óńir sportshylary jarystyń basty sımvoly — «Kólsaı kólderinen» sý alyp, Astanaǵa attandy.
Aıta keteıik, V Dúnıejúzilik kóshpendiler oıyndarynda Almaty oblysynan 12 sportshy el namysyn qorǵaıdy.
Osyǵan deıin Almatydan «Birlik kerýeni» jolǵa shyqqany týraly jazǵan edik.
Esterińizge sala keteıik, Dúnıejúzilik kóshpendiler oıyndary Astana qalasynda qyrkúıektiń 8-i men 13-i aralyǵynda ótedi.
