Jeńiske 80 jyl: Baýyrjan Momyshulynyń alyp portreti Rekordtar kitabyna endi
ASTANA. KAZINFORM – «Astana Arena» stadıonynda 2 736 sharshy metr bolatyn Baýyrjan Momyshulynyń alyp portreti jasaldy jáne «Álemdegi eń úlken portret» retinde Dúnıejúzilik rekordtar kitabyna endi.
Bul is-shara Jeńistiń 80 jyldyǵyna jáne Keńes Odaǵynyń batyry Baýyrjan Momyshulynyń 115 jyldyǵyna oraı uıymdastyryldy.
Oǵan Astananyń shyǵarmashylyq ujymdary, pedagogter men oqýshylar qatysyp, bıiktigi 70 metr, eni 32 metr bolatyn portretti fotomozaıka formatynda qurastyryp shyqty. Árbir pıkseldiń ólshemi 1 sharshy metrdi quraǵan.
Jobany uıymdastyrǵan elordalyq mádenıet basqarmasynyń habarlaýynsha, bul – álemdik rekord tirkeý tarıhynda bolmaǵan eń úlken portret. Ony daıyndaýǵa 700 keli aq boıaý jáne 320 keli qara boıaý qajet bolǵan.
Іs-sharaǵa arnaıy Qytaı jáne Úndistan memleketinen ókilder shaqyryldy. Rekord tirkelgenen keıin uıymdastyrýshylarǵa sertıfıkat pen medal berildi.