Jeńiske – 80 jyl: Áskerı-áýe kúshteriniń armııalyq avıatsııasy Astanaǵa keldi

ASTANA. KAZINFORM — Mı-17, Mı-35 jáne Mı-171Sh tikushaqtary Astana qalasyndaǵy 19132 áskerı bólimine jetkizildi. Bul týraly Qorǵanys mınıstrliginiń baspasóz qyzmeti habarlady. 

 Bul áýe kemeleri Uly Jeńistiń 80 jyldyǵyna arnalǵan áskerı paradqa qatysady.

Armııalyq avıatsııa ekıpajyn Áskerı-áýe kúshteriniń qolbasshysy avıatsııa general-maıory Rýslan Qońyrov bastaǵan áskerıler dástúrge saı ulttyq naqyshta – qymyz jáne baýyrsaqpen qarsy aldy. 

Bul shara aldaǵy tarıhı paradqa daıyndyqtyń mańyzdy kezeńderiniń biri.

Aıta ketý kerek, áskerı paradqa maıdandyq, armııalyq jáne áskerı-kólik avıatsııasynyń 60-tan asa ushý kemesi qatysady.

Aıta ketelik jeńistiń 80 jyldyǵyna oraı qazaqstandyq áskerı 80 shaqyrym marafon júgirip shyqqan edi.