Jeńis Nyǵmetýllın BQO dene shynyqtyrý jáne sport basqarmasyn basqarady

Batys Qazaqstan oblysy ákiminiń ókimimen Jeńis Mahambetuly Nyǵmetýllın BQO dene shynyqtyrý jáne sport basqarmasynyń basshysy bolyp taǵaıyndaldy, dep habarlaıdy Kazinform.

Jańa basshyny basqarma ujymyna oblys ákiminiń orynbasary Baqytjan Narymbetov tanystyrdy.

Jeńis Nyǵmetýllın 1984 jyly Batys Qazaqstan oblysy Aqjaıyq aýdanynda dúnıege kelgen.Oral eńbek jáne áleýmettik qatynastar akademııasyn «zańger», Batys Qazaqstan ınjenerlik-gýmanıtarlyq ýnıversıtetin «qarjy» mamandyqtary boıynsha bitirgen.

Eńbek jolyn 2007 jyly BQO qarjy departamentiniń operatory bolyp bastady.

2007-2008 jyldary BQO qarjy departamentiniń bas mamany-zańger, 2008-2010 jyldary BQO qarjy basqarmasynyń bas mamany-zańger, 2010-2013 jyldary osy basqarmada kommýnaldyq menshikti basqarý jáne múliktik jaldaý bóliminiń bastyǵy, 2013-2017 jyldary BQO qarjy basqarmasy kommýnaldyq múlikti basqarý bóliminiń basshysy boldy.

2017 jyldan kúni búginge deıin BQO dene shynyqtyrý jáne sport basqarmasy basshysynyń orynbasary qyzmetin atqardy.