Jeńis kúnin Qyzylordada 2 soǵys ardageri men 1700 tyl ardageri qarsy aldy
QYZYLORDA. KAZINFORM — 7 mamyr — Otan qorǵaýshy kúnine jáne 9 mamyr — Jeńistiń 80 jyldyǵyna oraı búgin Qyzylordada merekelik is-shara ótti.
Saltanatty jıynda oblys ákimi Nurlybek Nálibaev maıdangerler men sarbazdardy Otan
qorǵaýshy kúnimen quttyqtady.
Tyl jáne sala ardagerleri, mamandary «Uly Otan soǵysyndaǵy Jeńiske 80 jyl» merekelik medalimen jáne oblys ákiminiń alǵys hatymen marapattaldy.
Jeńistiń sekseninshi kóktemin oblystan 2 soǵys ardageri, 1700 tyl eńbekkeri qarsy alyp otyr. Olar Prezıdent Jarlyǵymen «Uly Otan soǵysyndaǵy Jeńiske 80 jyl» merekelik medalin keýdesine taqty.
Sonymen qatar 5 mamyr kúni Aqordada Memleket basshysy Qasym-Jomart Toqaev memlekettik nagradalar, joǵary áskerı ataqtar, synyptyq shender tapsyrý rásiminde jerlesimiz Arman Raqymovqa sybaılas jemqorlyqqa qarsy qyzmetiniń general-maıory arnaýly ataǵyn berdi.
Úkimet basshysynyń tapsyrmasyna sáıkes bıyl barlyq óńirde soǵys ardagerlerine 5 mıllıon teńgeden berildi.