Jeńis kúni prokýratýra organdarynyń qyzmetkerleri batyrlardy eske aldy
ASTANA. KAZINFORM – Búgin Astanada Bas Prokýror Berik Asylov Halyq qaharmany, Keńes Odaǵynyń Batyry Baýyrjan Momyshulynyń eskertkishine gúl shoǵyn qoıdy.
Іs-sharaǵa vedomstvo qyzmetkerleri de qatysyp, qazaqstandyq batyrlarǵa taǵzym etti. Qaza tapqan jaýyngerlerdi eske alý maqsatynda bir mınýt únsizdik jarııalandy.
Aıta ketý kerek, Jeńiske laıyqty úles qosqan maıdangerler arasynda Qazaqstan prokýratýra organdarynyń ókilderi de az bolmaǵan. Olardyń qatarynda aty ańyzǵa aınalǵan qolbasshy, Halyq qaharmany, Keńes Odaǵynyń Batyry Baýyrjan Momyshuly, sondaı-aq Keńes Odaǵynyń Batyrlary Nurken Ábdirov, Musa Baımuhanov, Sadyq Ábdijapbarov bar.
Ekinshi dúnıejúzilik soǵystyń qatysýshysy, Qyzyl Juldyz ordeniniń ıegeri, 18 jyl boıy Qazaq KSR prokýratýrasyn basqarǵan Ótegen Seıitov te erekshe qurmetke ıe.
Sonymen qatar bıyl 103 jasqa tolǵan Halyq qaharmany, soǵys ardageri Ivan Stepanovıch Gapıch prokýratýra organdary úshin aıryqsha maqtanysh sanalady.
Gúl qoıý rásimi barysynda Berik Asylov tarıhı jadyny saqtaý, maıdangerlerdiń erligine qurmet kórsetý, sondaı-aq jas urpaqty patrıotızm men «Adal azamat» qaǵıdattaryna - zańǵa, qoǵamǵa jáne óz eline adal, ádil ári jaýapty azamat bolýǵa tárbıeleýdiń mańyzdylyǵyn atap ótti.
Osyndaı eske alý sharalary osy kúnderi elimizdiń barlyq óńirlerinde ótip jatyr.
Buǵan deıin habarlaǵanymyzdaı, áskerı dıplomattar Qytaıda qaza tapqan qazaqstandyq jaýyngerlerdiń rýhyna taǵzym etti.
