Jeńis kúni qarsańynda aqmolalyq ardagerlerge 3 mln teńgeden beriledi

KÓKShETAÝ. KAZINFORM - Aqmola oblysynda Jeńis kúni qarsańynda soǵys ardagerlerine 3 mln teńge mólsherinde bir rettik tólem jasalady.

Aqmola oblysy ákimdiginiń málimetinshe, bıyl óńirde Jeńistiń 79 jyldyǵy qarsańynda soǵys ardagerlerine tólenetin bir rettik tólem somasy ulǵaıtylyp otyr. ıAǵnı, soǵys ardagerleri 3 mıllıon teńgeden alady. Búgingi tańda oblysta 6 soǵys ardageri turady. 

«Jumyspen qamtýdy jáne áleýmettik baǵdarlamalardy úılestirý basqarmasynan atap ótkendeı, soǵys ardagerlerine teńestirilgen ardagerler de 10-nan 30 aılyq eseptik kórsetkishke deıingi mólsherde tólem alady. Chernobyl atom elektr stantsııasyndaǵy apattyń saldaryn joıýǵa qatysqan adamdar jáne basqa memleketterdiń aýmaǵyndaǵy soǵys qımyldarynyń ardagerlerine 25 aılyq eseptik kórsetkish mólsherinde tólendi», - dedi Aqmola oblysy ákimdiginiń baspasóz qyzmetinen.

Aıta ketsek, budan buryn Kókshetaýda Qanysh Sátbaevtyń 125 jyldyǵyna arnalǵan konferentsııa ótkenin jazǵan edik.