Jeńis Qasymbek Ústel tennısi federatsııasynyń prezıdenti bolyp saılandy
ASTANA. KAZINFORM — Qazaqstan Respýblıkasynyń Ústel tennısi federatsııasynyń kezekten tys konferentsııasynda Astana qalasynyń ákimi Jeńis Qasymbek uıymnyń prezıdenti bolyp saılandy. Bul týraly federatsııanyń baspasóz qyzmeti málim etti.
— Bul sheshim qazaqstandyq ústel tennısiniń belsendi damý kezeńinde jáne Astanada ótetin mańyzdy halyqaralyq sporttyq oqıǵalardyń biri — ITTF World Table Tennis Championships Finals 2027 álem chempıonatyna daıyndyq barysynda qabyldandy, — delingen habarlamada.
Jańa prezıdenttiń basshylyǵymen Federatsııa aǵymdaǵy bastamalardy iske asyrýdy jalǵastyrady. Negizgi basymdyqtar — elde ústel tennısin júıeli túrde odan ári damytý, sportshylardyń sapaly daıyndyǵyna qajetti jaǵdaı jasaý jáne Qazaqstannyń halyqaralyq sport qaýymdastyǵyndaǵy pozıtsııasyn nyǵaıtý.
