Jeńis Qasymbek meniń talabyma saı keletin ákim — Prezıdent

ASTANA. KAZINFORM — Memleket basshysy elorda ákimi Jeńis Qasymbektiń jumysyna qatysty pikir bildirdi.

Memleket basshysy Qasym-Jomart Toqaev Astanany damytý jónindegi keńeste sóz sóıledi. Sóz arasynda Prezıdent ákim Jeńis Qasymbektiń jumysyna oń baǵa berdi.

— Aıta ketý kerek, ákim Jeńis Qasymbektiń boıynan meniń ne qalaıtynymdy, ne talap etetinimdi naqty túsingen adamdy taptym, — dedi Toqaev.

Budan buryn keńes barysynda Prezıdent tóraǵa Sı Tszınpın Astananyń kelbeti aıtarlyqtaı jaqsarǵanyn aıtyp, joǵary baǵa bergenin alǵa tartty.

— Elorda zamanaýı ýrbanıstıkanyń úlgisi bolýy kerek. Óıtkeni onyń mártebesi bólek. Bul oraıda Astanada qazirdiń ózinde birshama nátıjege qol jetkizdik. Qalalyq ortany damytýdyń biryńǵaı tásili aıqyndaldy. Muny bıyl jazda elimizde ótken sammıtter kezinde ózge de memleketter basshylary baıqaǵan. Mysaly, tóraǵa Sı Tszınpın qalamyzdyń kelbeti aıtarlyqtaı jaqsarǵanyn aıtyp, joǵary baǵasyn berdi. Bul — álemdik iri derjavalardyń basshylary Qazaqstanǵa kelgende bizdiń qalalarymyzdyń kelbetine mán berip qaraıdy degen sóz. Muny qaperde ustaý kerek, — dedi ol.

Osydan buryn Toqaev astanada aýyzsý máselesi qalaı sheshilip jatqanyn aıtty. 

Sonymen qatar Prezıdent mektep qurylysy boıynsha memleket-jeke menshik seriktestigin jetildirýdi tapsyrdy.

Budan bólek, Qasym-Jomart Toqaev elordada jol-kólik oqıǵalarynyń kóbeıgenine alańdaýshylyq bildirdi.

Aıta keteıik, elorda ákimi Jeńis Qasymbek BAQ-ta jáne áleýmettik jelilerde taralǵan qyzmetten ketetini týraly qaýesetke qatysty túsinik bergenin jazǵanbyz.