Jeńis Qasymbek Astanadaǵy ınternet sapasy týraly pikir bildirdi

ASTANA. KAZINFORM – Astana ákimi Jeńis Qasymbek qaladaǵy ınternet sapasy týraly pikir bildirdi.

— Jalpy ınternet bar, jaman emes. Biraq qala ósip kele jatyr, keńeıip jatyr. Jekelegen shaǵyn aýdanda, qalanyń shetinde ınternettiń sapasy birdeı emes. Ondaı másele bar. Turǵyndardyń machtalyq qondyrǵy ornatýdy suraǵanyn kórdińiz. Ony qoldaıtyndar da bar, qarsy adamdar da bar, — dedi ol.

Ákimniń aıtýynsha qalany ınternetpen jabdyqtaý jospar boıynsha iske asyp jatyr.

— Internettiń sapasyn jaqsarta túsemiz. Oǵan «Qazaqtelekom» da, basqa kompanııalar da josparlap, jyl saıyn salyp jatyr. Biraq qala ósip jatqandyqtan, shet jaqtarda, turǵyn úı tyǵyz salynǵan jerlerde anda-sanda ondaı problemalar týyndaıdy, — dedi Jeńis Qasymbek.

Eske salsaq, Tsıfrlyq damý mınıstrligi Astanada mobıldi ınternet álsiz ustaıtyn oryndar jyl sońyna deıin joıylatynyn málim etken edi.