Jeńimpaz bolǵan qazaq kókparshylary qansha syıaqy alady

ASTANA. KAZINFORM — Ulttyq jáne at sporty túrleri ortalyǵy dırektorynyń orynbasary Qarlyǵash Ramazanova Dúnıejúzilik kóshpendiler oıyndarynda kókpardan altyn medal alǵan qazaqstandyq qurama sportshylary qansha syıaqy alatynyn túsindirdi.

Onyń aıtýynsha, Dúnıejúzilik kóshpendiler oıyndaryn ótkizý dırektsııasynan kókpar men kók bóridegi júldeli oryndar úshin mynadaı syıaqylar belgilengen:

• 1 oryn úshin — 10 mln teńge; 
• 2 oryn úshin — 6 mln teńge;
• 3 oryn úshin — 4 mln teńge.

Sondaı-aq, Kók bóri respýblıkalyq federatsııasynyń prezıdenti Baýyrjan Ábdirashıtovtyń atynan mynadaı júlde qory belgilengen:

• Kókpar boıynsha birinshi oryn úshin ár sportshy men ár jattyqtyrýshyǵa 5 mln teńgeden;
• Kók bóri boıynsha birinshi oryn úshin ár sportshy men jattyqtyrýshyǵa 10 mln teńgeden.

Esterińizge sala keteıik, Astanada ótip jatqan Dúnıejúzilik kóshpendiler oıyndarynda kókpardan Qazaqstan quramasy Qyrǵyzstan komandasyn jeńdi.