Jeńilip kórmegen boksshy Temirjan Baımolda altynshy jekpe-jeginde qarsylasyn qapy qaldyrdy

ASTANA. KAZINFORM  — «Djentelmen» laqap aty bar qazaq boksshysy Temirjan Baımolda (5-0, 3 KO) kásipqoı mansabyndaǵy kezekti jeńisine qol jetkizdi, dep jazdy Sports.kz.

24 jastaǵy Baımolda Bangkoktaǵy (Taıland) boks keshinde jergilikti boksshy Afıf Arrongpen (4-5, 3 KO) kezdesti. Jartylaı orta salmaqtaǵy jekpe-jek tórt raýndqa josparlanǵan jáne belgilengen ýaqytqa sozyldy. Tóreshiler biraýyzdan jeńisti qazaqstandyqqa berdi.

Osylaısha, Temirjan Baımolda kásipqoı bokstaǵy altynshy jekpe-jeginde jeńiske jetip, jeńilissiz keledi. Al Afıf Arrong altynshy ret jeńilip otyr. Ol mansabynda bes ret jeńiske jetken.