Jeńildikpen alǵan taýardy qaıta ótkizýge bola ma

ASTANA. KAZINFORM — Eger siz jeńildikpen taýar alsańyz, biraq, belgili bir jaǵdaıǵa baılanysty keri qaıtarǵyńyz kelse, taýardy ótkizip, aqshańyzdy qaıtara alasyz ba? Bul saýalǵa quzyrly organ ókili jaýap berdi. 

— Osy másele boıynsha keıbir satýshy qatelesedi, óıtkeni, zańda «taýardyń kemshiligi bar» degen uǵym bar, ıaǵnı taýarda bir aqaý bar, ol tómendetilgen baǵamen satylady. Mundaı taýarlar qaıta ótkizýge jatpaıdy. Al, aktsııa nemese jeńildikpen satyp alynǵan taýardy qaıtarýǵa bolady. Bul jaǵdaıda satýshy bas tartsa, ol zań buzýshylyq, — dep qysqa qaıyrdy Saýda jáne ıntegratsııa mınıstrligi tutynýshylardyń quqyǵyn qorǵaý komıteti memlekettik saıasatty qalyptastyrý basqarmasynyń basshysy Erkebulan Taǵashev ortalyq kommýnıkatsııalar qyzmeti alańynda ótken baspasóz máslıhatynda.

Buǵan deıin Saýda mınıstrliginiń ókili, qos baǵa qoıý, ıaǵnı satyp alý men bólip tóleýdiń aıyrmashylyǵyn túsindirip bergen edi. 

Sondaı-aq brıfıng barysynda «Taýardyń jarnamadaǵy baǵasy men dúkendegi baǵasy arasynda aıyrmashylyq bolsa, ne isteý kerek?» degen saýalǵa jaýap berildi. 

Aıta keteıik, jyl basynan beri 2,2 mlrd teńgege tutynýshylardyń quqyǵy qorǵaldy.