Jeńildetilgen vızalyq rejım azamattarymyzdyń bilim alyp, jumys isteýine ońtaıly jaǵdaı týdyrady - Antonıý Koshta

ASTANA. KAZINFORM - Antonıý Koshta Qasym-Jomart Toqaevpen birlesip jasaǵan málimdeme barysynda Eýropa Odaǵy men Qazaqstannyń seriktestigi naqty nátıje berip otyrǵanyna nazar aýdardy, dep habarlaıdy Aqordanyń baspasóz qyzmeti.

– Osy aptada Brıýsselde vızalyq rejımdi jeńildetý jónindegi kelissózdi bastadyq. Bul ýaǵdalastyq Qazaqstan men Eýropa azamattary úshin óte mańyzdy ekenin jaqsy túsinemin. Kelisimge qol qoıylǵannan keıin azamattarymyzdyń barys-kelisi, alys-berisi jıilep, bilim alyp, jumys isteýine ońtaıly jaǵdaı týady. Bul halyqtarymyz arasyndaǵy dostyqtyń naǵyz sımvolyna aınalady, – dedi ol.

Eýropalyq Keńes basshysy Samarqand qalasynda ótken «Eýropa Odaǵy – Ortalyq Azııa» sammıtiniń nátıjesinde óńiraralyq seriktestikti strategııalyq deńgeıge jetkizý týraly sheshim qabyldanǵanyn atap ótti. 

Alqaly jıynda kólik, energetıka, klımat, sý resýrstary, asa mańyzdy shıkizat materıaldary, tsıfrlandyrý jáne halyqtar arasyndaǵy baılanysty keńeıtý yntymaqtastyqtyń basym baǵyttary retinde belgilengenin eske saldy.

Osyǵan deıin Qasym-Jomart Toqaev pen Antonıý Koshta birlesken málimdeme jasaǵany týraly jazdyq.