Jeńildetilgen nesıe alatyn aýyldar sany 3500-den 4000-ǵa ósedi

ASTANA. KAZINFORM — Ulttyq ekonomıka mınıstriniń orynbasary Baýyrjan Omarbekov aýyldy damytýǵa arnalǵan jeńildetilgen nesıelerdi alýǵa haqyly aýyldardyń sanyn kóbeıtý josparlanyp otyrǵanyn aıtty.

90-ға жуық несие беретін ұйым лицензиясынан айырылды
Фото: freepik.com

— «Aýyl amanaty» baǵdarlamasy boıynsha 2025 jyly 50 mlrd teńge bólinip, jobalar iske asyrylady. Buǵan deıin osy baǵdarlamanyń ákimshisi Aýyl sharýashylyǵy mınıstrligi bolsa, Úkimet deńgeıinde ony Ulttyq ekonomıka mınıstrligine berý týraly sheshim qabyldandy, — dedi ol Májilistegi dóńgelek ústelde.

Vıtse-mınıstr Prezıdenttiń tapsyrmasy boıynsha «Aýyl — el besigi» jáne «Aýyl amanaty» baǵdarlamalaryn biriktiriletin eske saldy.

— «Aýyl — el besigi» baǵdarlamasynda iriktelgen 3500 aýylmen ǵana jumys istegen edik. Budan bylaı basqa aýyldarǵa nesıe bermeımiz degen pozıtsııany ustana almaımyz. Óıtkeni qalǵan 2800-ge jýyq aýylǵa da qoldaý kerek. Degenmen basym baǵyt damý áleýeti joǵary eldi mekenderde bolady. Qazirgi 3500 aýyldyń tizbesin qaıta qarap shyǵýymyz kerek shyǵar. Buǵan deıin halyq sanyna mán berip otyrsaq, endi ekonomıkalyq áleýetine kóbirek nazar aýdaramyz. ıAǵnı, buryn 3500 aýyl bolsa, endi bálkim 4000-ǵa jetkizetin shyǵarmyz, — dedi Baýyrjan Omarbekov.

Eske salsaq, vedomstvonyń buǵan deıin bergen deregi boıynsha, keıingi on jylda Qazaqstan kartasynan 572 aýyl joıylǵan

Сейчас читают