Jeńildetilgen lızıngke 200 mlrd: qarjy bólý osy aıda bastalady
ASTANA. KAZINFORM – Bıyl elimizde aýyl sharýashylyǵy kásipkerlerine jeńildetilgen lızıngke 200 mlrd teńge bólinedi. Qarjy osy aıda berile bastaıdy. Bul týraly Úkimet otyrysynda AShM basshysy Aıdarbek Saparov aıtty.
— Búgingi tańda egis naýqanyn erte qarjylandyrýdyń arqasynda 205 mlrd teńgege 1,3 myńnan astam ótinim tústi. Budan basqa, bıyl jeńildetilgen lızıngke 200 mlrd teńge bólý josparlanyp otyr, bul agrosektordyń ónimdiligi men turaqtylyǵyn arttyra otyryp, aýyl sharýashylyǵy tehnıkasyn jańartýǵa qosymsha serpin beredi. Qarjylandyrý osy aıda bastalady, - dedi mınıstr.
Budan bólek, vedomstvo basshysy 2024 jylǵy qarashada alǵash ret egis jumystaryn erte qarjylandyrý iske qosylyp, kredıt berý arnalary keńeıtilgenin atap ótti.
— Osylaısha, áleýmettik-kásipkerlik korporatsııalar arqyly kredıt alý múmkindigi paıda boldy. Osy oraıda, egin naýqanyn sátti jáne ýaqtyly júrgizý úshin áleýmettik-kásipkerlik korporatsııalardyń nesıelendirýge qatysýyn jandandyrý mańyzdy, - dedi Aıdarbek Saparov.
Aıta keteıik, buǵan deıin elimizde bıdaı egý azaıyp, rentabeldiligi joǵary daqyldar aýmaǵy arttyrylyp jatqany jaıly jazǵan edik.