Jeńildetilgen deklaratsııany avtomatty túrde aldyn ala toltyrý engiziledi
ASTANA. KAZINFORM - Elimizde 910 nysandaǵy jeńildetilgen salyq deklaratsııasyn aldyn ala toltyrý servısin engizý josparlanyp otyr. Bul týraly Qarjy mınıstrliginiń Memlekettik kirister komıteti Qashyqtan monıtorıng basqarmasynyń bólim basshysy Bektas Ádilǵalıev aıtty.
— Qazirgi ýaqytta ekinshi deńgeıli banktermen birlesip, 910 nysandy aldyn ala toltyrý boıynsha jumys júrgizilip jatyr. Bul — salyq eseptiliginiń jeńildetilgen túri, — dedi ol salyqtyq ákimshilendirý taqyrybyndaǵy konferentsııa barysynda.
Sondaı-aq bólim basshysy dál osyndaı servıs QQS boıynsha deklaratsııaǵa (300 nysan) engizilgenin eske saldy.
— Bıyl shekti mólsher tómendetildi, sonyń nátıjesinde QQS tóleýshiler sany aıtarlyqtaı artady. Osyǵan baılanysty biz 300 nysan boıynsha aldyn ala toltyrýdy engizdik, — dep atap ótti Bektas Ádilǵalıev.
Vedomstvonyń málimetinshe, 910 jáne 300 nysandar salyq eseptiliginiń eń kóp qoldanylatyn túrleriniń qataryna jatady.
Buǵan deıin salyq tóleýshilerge arnalǵan «Derbes shot» servısinde jańa fýnktsııalar engizilgenin jazǵan edik.
