Jeńil kólik avtobýspen soǵyldy: Almaty oblysynda 5 adam kóz jumdy
Almaty oblysynda jol-kólik oqıǵasy saldarynan 5 adam qaza boldy. Kazinform bul týraly Rolisia.kz-ke silteme jasap habarlaıdy.
Oqıǵa, búgin Jambyl aýdanynyń aýmaǵynda Almaty-Bishkek avtojolynyń 43-shaqyrymynda boldy. "Hıýndaı" kóliginiń júrgizýshisi – 37 jastaǵy áıel qarsy qozǵalys jolaǵyna shyǵyp ketip, 36 jastaǵy azamat basqaryp kele jatqan avtobýspen soqtyǵysqan.
Jol apaty saldarynan jeńil avtokóliktiń 37 jastaǵy júrgizýshisi men 3 jolaýshysy, sondaı-aq avtobýsta bolǵan 1 jolaýshy oqıǵa ornynda qaza tapty.
«Atalǵan derek QR Qylmystyq kodeksiniń 345-baby boıynsha Jambyl aýdany polıtsııa bóliminde tirkeldi. Qazirgi ýaqytta jol apatynyń barlyq mán-jaıyn obektıvti zertteýge baǵyttalǵan saraptama taǵaıyndalyp, qajetti tergeý áreketteri júrgizilip jatyr», - delingen polıtsııa málimetinde.
