Jeńil atletıkadan olımpıadalyq daıarlaý ortalyǵy qurylmaq

Ashyq NQA portalynda «Respýblıkalyq menshiktiń keıbir máseleleri týraly» Úkimet qaýlysynyń-jobasy jarııalandy. Oǵan saı, «Jeńil atletıkadan olımpıadalyq daıarlaý ortalyǵy» qurylmaq, dep habarlaıdy Kazinform.

«Týrızm jáne sport mınıstrligi Sport jáne dene shynyqtyrý isteri komıtetiniń «Astana» Olımpıadalyq daıarlaý ortalyǵy» respýblıkalyq memlekettik qazynalyq kásipornynan Týrızm jáne sport mınıstrligi Sport jáne dene shynyqtyrý isteri komıtetiniń «Jeńil atletıkadan olımpıadalyq daıarlaý ortalyǵy» respýblıkalyq memlekettik qazynalyq kásiporyndy bólip shyǵarý jolymen qaıta uıymdastyrylsyn», - delingen Úkimet qaýlysynyń-jobasynda.

Bólinip shyǵatyn kásiporynǵa basshylyq etý jónindegi ýákiletti organ bolyp Týrızm jáne sport mınıstrligi aıqyndalǵan.

Qujat 30 qazanǵa deıin kópshilik talqylaýda bolady.