Jeńil atletıkadan Azııa chempıonatynda qorjynǵa taǵy úsh medal tústi

ASTANA. KAZINFORM — Búgin Ońtústik Koreıanyń Gýmı qalasynda jeńil atletıkadan ótip jatqan Azııa chempıonatynda qazaqstandyq sportshylar úsh medal aldy.

Qurlyqtyq dodada áıelder arasynda 3000 metrge kedergiler arqyly júgirýde Nora Djerýto altynnan alqa taqty. Kórsetkishi — 9:10.46.

Qazaqstandyq taǵy bir sportshy Deızı Djepkemeı (9:12.46) qolaǵa qol jetkizdi. 

Al el quramasynan Elızaveta Matveeva bıiktikke sekirýden 1.86 metrdi baǵyndyryp, ekinshi oryn aldy.

Elızaveta Matveeva 2023 jylǵy Azııa chempıonatynda da 1.86 metr bıiktikke sekirip, kúmis júldege ıe bolǵan edi.

Dál osyndaı nátıjege qol jetkizgen Nadejda Dýbovıtskaıa búgin qosymsha kórsetkishter boıynsha júldeden tys qaldy. Qola júlde ózbekstandyq Safına Sadýllaevaǵa buıyrdy.

Aıta keteıik, otandastarymyz 2019 jyldan beri dál osy saıys túrinde júlde alyp keledi.

Atalmysh sary qurlyq básekesine 39 elden 567 atlet baq synap jatyr.

Eske salsaq, budan buryn Deızı Djepkemeı 10 000 metrge fınalda jeńiske jetti.