Jeńil atletıkadan Azııa chempıonatynda Alına Chıstıakova kúmis júldege ıe boldy
ASTANA. KAZINFORM — Qazaqstan jeńil atletıkadan Qytaıdyń Ordos qalasynda ótip jatqan jastar arasyndaǵy Azııa chempıonatynda bir kúmis jáne eki qola medal jeńip aldy, dep habarlaıdy UOK baspasóz qyzmeti.
Alına Chıstıakova jetisaıystyń qorytyndysy boıynsha kúmis júldeger atandy.
Sondaı-aq Anna Shýmılo, Ekaterına Pýzyreva, Tatıana No, Darıa Grıdasovadan quralǵan áıelder komandasy 4×100 metrlik estafetada úshinshi oryn aldy.
Odan bólek, otandastarymyz 4×400 metrlik estafetada qola medalǵa ıe boldy.
Komanda sapynda Anna Shýmılo, Anastasııa Tsvırkýnova, Ekaterına Koloda, Marııa Shývalova óner kórsetti.
Aıta keteıik, buǵan deıin Anastasııa Rypakova kúmis medal alsa, Maksım Balabın, ıAsmına Toqsanbaeva qola júldege qol jetkizgen bolatyn.
