Jeńil atlet ıAsmına Toqsanbaevaǵa bir bólmeli páter berildi
ALMATY. KAZINFORM — Qazaqstandyq jeńil atlet ıAsmına Toqsanbaevaǵa páter syıǵa tartyldy.
Qazaqstan jeńil atletıka federatsııasy XX Jazǵy Azııa oıyndary men V Azııa paraoıyndarynda el namysyn qorǵaǵan sportshylar men jattyqtyrýshylardy saltanatty túrde quttyqtady. Іs-shara barysynda Azıadada halyq yqylasyna bólengen, sporttyq júristen marafon qashyqtyǵynda óner kórsetken ıAsmına Toqsanbaevaǵa federatsııa men demeýshiler atynan bir bólmeli páterdiń kilti berildi.
— Іshimdegi qýanysh pen tolqynysty sózben aıtyp jetkizý múmkin emes! Óz elimniń jáne federatsııanyń osylaı baǵalaǵanyna sheksiz qýanyshtymyn! Búgingi aıtýly kúnge úles qosqandardyń bárine alǵys bildiremin! Bul meni odan ári damyp, alǵa jyljýǵa jigerlendiredi, — dep jazdy sportshy áleýmettik jelide.
Eske salaıyq, otandasymyz Aıchı-Nagoıa qalasynda ótken Azııa oıyndarynyń jeńimpazy atanǵan bolatyn. Ol jeńil atletıkadan áıelder arasynda sporttyq júristen marafon qashyqtyǵyn 3 saǵat 22 mınýt 20 sekýnda baǵyndyryp, márege birinshi bolyp jetken.
Alaıda keıin onyń marafondyq sporttyq júristen kórsetken nátıjesi joıyldy. Oǵan sportshynyń aıaq kıimi jarysta bekitilgen tizimge sáıkes kelmeýi sebep boldy.
Keshe Aqordada Prezıdent Azııa oıyndary jáne Azııa paraoıyndarynyń jeńimpazdary men júldegerlerin marapattady.
Saltanatty rásimnen keıin ıAsmına Toqsanbaeva Azıadadan keıingi ómiri týraly aıtyp berdi.
