Jeńil atlet Krıstına Ovchınnıkova Grekııada ótken týrnırde jeńiske jetti

ASTANA.KAZINFORM – Jeńil atletıkadan Qazaqstan quramasynyń ókili Krıstına Ovchınnıkova Grekııanyń Hanıa qalasynda ótken halyqaralyq týrnırde altyn medal jeńip aldy. Bul týraly Ulttyq olımpıadalyq komıtet habarlady.

Sportshy bıiktikke sekirý saıysynda top jardy. Ovchınnıkova 190 santımetr nátıjesin kórsetti.

Aıta keteıik, otandasymyz Gýmıde ótken Azııa chempıonatynda dál osy kórsetkishpen birinshi oryn alar edi. Alaıda ol jarysqa qatysýshylar quramyna enbegen bolatyn.

Ekinshi oryndy jergilikti sportshy Tatıana Gkýsın (Grekııa) 188 santımetr nátıjesimen ıelense, qola medaldi Stılıana Ioannıdý (Kıpr) 188 santımetr kórsetkishimen jeńip aldy.

Aıta keteıik, jeńil atletıkadan Azııa chempıonatynda Qazaqstan quramasy 6 medal aldy.