Jeńil atlet Ivan Ivanov Azııa chempıonatynda qola júldeger atandy
ASTANA. KAZINFORM – Qazaqstan jeńil atletıkadan Mokpo qalasynda (Ońtústik Koreıa) ótip jatqan Azııa chempıonatynda alǵashqy medalin jeńip aldy.
Sharbolat laqtyrýdan synǵa túsken qazaqstandyq jeńil atlet Ivan Ivanov qurlyq dodasynyń qola júldegeri atandy.
Otandasymyz úzdik múmkindiginde sharbolatty 19.41 metrge laqtyrdy.
Altyn medaldi qytaılyq Chen Hýnfeı ıelendi - 20.18 metr. Kúmis júlde taǵy bir Qytaı ókili Chen Chengýoǵa buıyrdy - 19.64 metr.
Eske sala keteıik, buǵan deıin Qazaqstan ártistik júzýden álem kýbogy kezeńinde taǵy úsh medal jeńip alǵanyn jazǵanbyz.
