Jeńil atlet Anastasııa Rypakova jastar arasynda Azııa chempıonatynyń kúmis júldegeri atandy
ASTANA. KAZINFORM – Qazaqstan quramasy Qytaıdyń Ordos qalasynda ótip jatqan jastar arasynda Azııa chempıonatynda alǵashqy medaline qol jetkizdi.
Anastasııa Rypakova uzyndyqqa sekirý saıysynda ekinshi orynǵa ıe boldy. QR UOK málimetinshe, otandasymyz óziniń úzdik nátıjesinde 6.11 metrge sekirdi.
Aıta keteıik, dál osy baǵdarlamada Dılıara Haıbýllına jarys jolyna shyqqan joq.
Altyn medaldi qytaılyq Inın Hýan jeńip aldy - 6.48 metr. Qola júldege Ha Thı Thıýı Hang (Vetnam) ıe boldy - 6.10 metr.
Qazaqstandyq tennısshiler Astana týrnıriniń fınalyna shyqqanyn jazǵan edik.
