Jeńistiń 70 jyldyǵyna oraı RF-nyń Volgograd qalasynda qazaqstandyq sarbazdarǵa arnalǵan eskertkish ornatylmaq
Onyń aıtýynsha, buǵan QR Qorǵanys, Mádenıet jáne sport mınıstrligi qoldaý kórsetýde. Ótken jyly shilde aıynda Qazaq elinen Qazaqstannyń eńbek sińirgen sáýletshisi Serik Arystanbekov Volgogradqa arnaıy baryp, josparyn quryp, jumystanǵan. Qazaqstan tarapynan bul sharaǵa 80 mln. teńge bólindi.
«Árıne, bizdiń budan basqa da atqaratyn jumystarymyz az emes. Sonyń ishinde Edil boıyn mekendegen qandastarymyz, ásirese, jastarymyzǵa ana tilin úırenýine jaǵdaı jasaý - basty paryzymyz. Osy oraıda qazaqtar kóp shoǵyrlanǵan aýyl-aımaqtaǵy mektep, basqa da bilim ordalarynda qazaq tilinen fakýltatıv sabaqtar bergizý jóninde jospar jasalyp, qujattar ázirlenýde. Bul rette Qazaqstan, sonyń ishinde Volgogradqa kórshiles ornalasqan oblystardan ádistemelik, arnaıy ádebıettermen qamtý, kadrlar biliktiligin arttyrý baǵytynda kómekter qajet. Sol sekildi Volgograd oblysy boıynsha qazaq tilinde gazet shyǵarý isin de qolǵa aldyq. Eń bastysy, shette júrsek te, ana tilimizdi umytpaı, halqymyzdyń mádenıeti men ulttyq salt-dástúrlerin nasıhattaı bersek deımiz», dedi A.Ahmetov.
Jánibek aýdanynyń ákimi Murat Muqaevtyń aıtýynsha, volgogradtyq aǵaıyndarmen barynsha tyǵyz qarym-qatynas ornyqqan. Jánibek Volgogradtyń Pallasov syndy kórshiles aýdandarymen qashanda ózara tıimdi baılanys jasaýǵa múddeli. Bul rette alys-beris, saýda aınalymy óz aldyna, mádenıet, rýhanııat salasynda da jıi aralasýdyń mańyzy zor. Volgogradtyq qandastarǵa jánibektikterdiń de qoldan keler kómegi daıyn.
Aıta keteıik, Stalıngrad maıdanynda qazaqstandyqtar az qaza tapqan joq. Sonymen qatar oǵan tıip turǵan Batys Qazaqstannyń Jánibek, Orda aýdandary soǵys jaǵdaıyna keltirildi. Sol kezde osy óńirde jaýyngerlermen qatar beıbit turǵyndar da jaý bombasynyń astynda qalyp, qazaǵa ushyrady. Kóptegen ǵımarattar búlindi.
