Jeńistiń 70 jyldyǵyna oraı Reseıde «altyn» smartfon shyǵaryldy (FOTO)

ASTANA. QazAqparat - Reseıde iPhone 6 jáne Galaxy A5 bazasynda «Jeńiske 70 jyl» bederi bar jáne «Reıhstagtaǵy jeńis belgisi» kórinis tapqan smartfon jasap shyǵaryldy, dep habarlady Kazpravda.kz.

Caviar Pobeda 70 smartfonyn ıtalıandyq zergerler jasady, 70 osyndaı smartfon shyǵarlmaq, onyń quny shamamen $4,5 myńnan bolady. «Aıtýly oqıǵaǵa arnap Caviar zergerlik brendi iPhone 6 jáne Galaxy A5 smartfondarynyń kollektsııalyq modelderin shyǵardy. Bul serııa «Jeńis» ataýyna ıe boldy. Árbir devaıs korpýsy tıtan plastınasymen, gravırovkamen, altynnan jasalǵan bezendirgish elementtermen qaptalǵan», delingen habarlamada. «Bul bizdiń kollektsııadaǵy oryssha ataýǵa ıe bolǵan alǵashqy telefon. Bul modeldi Pobeda 70 dep atap, aǵylshyn, ıtalıan tilderine aýdarmadyq»,- deıdi brend ókilderi. Sonymen qatar iOS pen Android úshin «Ýra Pobede» qosymshasy jasaldy.