Jeńistiń 70 jyldyǵyna oraı QR QK-iniń áskerı bólimderinde ardagerler fotogalereıasy jasalady (FOTO)
ASTANA. QazAqparat - Qazaqstan Respýblıkasy Qarýly Kúshterinde «Máńgi esimizde» - «Pamıat vechna» aktsııasy bastaldy. Bul shara qazaqstandyqtardyń birneshe býyn urpaǵyn biriktiredi, ıaǵnı onyń ishinde surapyl soǵystyń qııamet-qaıymyn óz kózimen kórgender de, osy jyldardyń yzǵaryn estip-bilý arqyly oı túıgender de bar, dep habarlaıdy QR Qorǵanys mınıstrliginiń baspasóz qyzmetinen.
Jeńistiń 70 jyldyǵyna oraı Qarýly kúshterde fotogalereıa jasalady. Onda QR QK óńirlik qolbasshylyǵynyń áskerı qyzmetshileri jáne olardyń UOS ardagerleri bolǵan týǵan-týystary kórinis tabady. Bul fotosýretter arnaıy bannerde ornalastyrylyp, áskerı bólimshelerge ilinedi.
Fotogalerıada soǵysta qaza tapqandar, soǵystan keıin dúnıeden ozǵan ardagerler men qazirge deıin kózi tiri ardagerlerdiń 1930-shy jyldardan bastap qazirgi kezge deıingi aq-qara nemese túrli-tústi fotosýretteri qamtylady. Ár sýrettiń astyna áskerı qyzmetshiniń jáne ardagerdiń aty-jónderi jazylady. Banner daıyndalǵannan keıin ol Astanada Máńgilik alaýǵa gúl shoqtaryn qoıý rásiminde «Otan qorǵaýshylar» alańynda saltanatty túrde tabystalatyn bolady.
