Jeńistiń 70 jyldyǵyna oraı «Qazaq radıosy» - «Volokolamsk tas joly» biregeı radıojobasy bere bastady

ASTANA. QazAqparat - «Qazaqstan» respýblıkalyq teleradıokorporatsııasyna (RTRK) qarasty «Qazaq radıosy» Jeńistiń 70-jyldyǵyna oraı qańtardyń 20-shy juldyzynan bastap «Volokolamsk tas joly» radıoserıalyn efırden bere bastady.

«Mır» radıosynyń (Máskeý qalasy) biregeı jobasy 134 serııadan turady. Toptamanyń barlyǵy aǵa leıtenant Baýyrjan Momyshuly basqarǵan 316-Panfılovshylar dıvızııasy batalonynyń erligine arnalady, dep habarlady «Qazaqstan» RTRK baspasóz qyzmeti.

Radıoserıal sıýjeti belgili jazýshy Aleksandr Bektiń Baýyrjan Momyshulynyń áńgimeleri men estelikterine súıene otyryp jazylǵan «Volokolamsk tas joly» romany negizinde jasalǵan.

Qańtardyń 20-nan bastap kún saıyn 14 saǵat 35 mınýtta «Qazaq radıosynyń» efırinen «Volokolamsk tas joly» radıoserıaly berilýde.