Jeńistiń 70 jyldyǵyna oraı elimizde 22 myń shara ótkizildi
«Osy jyly Jeńistiń 70 jyldyq mereıtoıyna oraı elimizde úlken sharalar ótti. Jalpy, el boıynsha 22 myń shara atqaryldy jáne halyqtyń ardagerlerge degen yqylasy erekshe boldy. Barlyq jerlerde de quttyqtaý, qoshemetteý, qurmet kórsetý, kómek kórsetý sharýalary atqaryldy jáne áli kúnge deıin jalǵasýda», - dedi jıyndy ashqan Ardagerler ortalyq keńesiniń tóraǵasy Ó.Ozǵanbaev.
Onyń atap ótýinshe, osy jyldyń ishinde 3 myńǵa jýyq eskertkishke jóndeý jumystary júrgizilgen. Munan bólek, Astana qalasynda I.Panfılovqa, Kókshetaýda M. Ǵabdýllınge eskertkishter ashyldy. Atyraýda óńirden qan maıdanǵa attanǵan atalarymyzdyń esimderi jazylǵan úlken keshen boı kóterdi.
«Basqa da jumystar keń óris aldy, 700-den kitap shyǵaryldy. T.Bıgeldınov, B.Momyshulyna, M.Mámetovaǵa arnalǵan kıno týyndylary kórermenge jol tartty. 28 panfılovshylarǵa arnalǵan kınotýyndy aıaqtalýǵa jaqyn. júzdegen beınefılm jarııalandy», - dedi ol.
Ó.Ozǵanbaevtyń atap ótýinshe, osy jyldyń ishinde júzdegen ardager baspanaǵa ıe bolsa, kóptegen maıdangerdiń úılerine kúrdeli jóndeý jumystary júrgizilgen.
