Jeńistiń 70 jyldyǵyna oraı almatylyq 48 ardagerge memlekettik marapattar tabys etildi
ALMATY. QazAqparat - Almaty ákimi Ahmetjan Esimov 48 ardagerge Jeńistiń 70 jyldyǵyna oraı memlekettik marapattar tabys etti.
«Uly Jeńistiń 70 jyldyǵyn toılaýymyzǵa az ǵana ýaqyt qaldy. Osyǵan oraı qalamyzda ardagerler men tyl eńbekkerlerin marapattaý men ulyqtaý sharalary ótkizilýde. Memleket basshysy ardagerlerge qurmet kórsetý týraly jaqsy bastama kóterdi. Men Prezıdenttiń tapsyrmasyna oraı sizderge memlekettik marapat belgilerin tabystaımyn», - dedi qala basshysy.
Memlekettik marapatqa usynylǵan ardagerlerdiń bireýi úshinshi dárejeli «Barys» ordenine ıe bolsa, 15 ardagerge - «Qurmet» ordeni, 17 ardagerge - «Eren eńbegi úshin» medali, 15 ardagerge QR Qurmet gramotasy tabys etildi.
