Jeńistiń 65 jyldyǵy qurmetine arnalǵan merekelik medalimen nagradtaý erejesi bekitildi

QazAqparat Qazaqstan Prezıdenti Nursultan Nazarbaevtyń 2010 jylǵy naýryzdyń 1 9-yndaǵy №951 Jarlyǵymen bekitilgen «1941-1945 jyldardaǵy Uly Otan soǵysyndaǵy Jeńiske 65 jyl» merekelik medalimen nagradtaý erejesiniń mátinin nazarlaryńyzǵa usynady.

Qazaqstan Respýblıkasy Prezıdentiniń 2010 jylǵy 19 naýryzdaǵy №951 Jarlyǵymen bekitilgen

"1941-1945 j.j. Uly Otan soǵysyndaǵy Jeńiske 65 jyl" merekelik medalimen nagradtaý erejesi

1. Osy Ereje "1941-1945 j.j. Uly Otan soǵysyndaǵy Jeńiske 65 jyl" merekelik medalimen (budan ári - merekelik medal)nagradtaý tártibin retteıdi.

2. Merekelik medalmen:

Uly Otan soǵysy ke­zeńinde, son­daı-aq burynǵy KSR Odaǵyn qorǵaý jó­nindegi basqa da urys ope­ra­tsııalary kezinde maıdandaǵy armııalar men flot­tyń quramyna kirgen áskerı bólimderde, shtabtarda jáne mekemelerde qyzmet ótker­gen áskerı qyzmetshiler, Uly Otan soǵysynyń par­tızandary men astyrtyn qımyl jasaýshylary;

Іs-qımyl jasaǵan ar­mııa­lar men flottyń áskerı qyzmetshileri, Uly Otan soǵysynyń partızandary men astyrtyn qımyl jasaý­shy­lary, sondaı-aq Uly Otan soǵysy kezeńinde maı­dan­da, urys áreketteriniń aýdanynda, temir joldardyń soǵys mańyndaǵy ýchaske­le­rinde, qorǵanys shepteriniń qurylys­tarynda, áskerı-teńiz bazalary men aero­drom­darda alǵan jaraqat, kontýzııa, mertigý nemese syrqattaný saldarynan múgedek bolǵan tıisti sanattaǵy jumysshylar men qyzmetshiler jáne zeınetaqymen qamsyzdandyrý boıynsha áskerı qyzmetshilerge teńestirilgender;

Burynǵy KSR Odaǵyn qorǵaý kezinde alǵan jaraqat, kontýzııa, mertigý saldarynan nemese maıdanda bolýyna baılanysty syrqattaný saldarynan múgedek bolǵan áskerı qyzmetshiler;

Jaraqat, kontýzııa, mertigý saldary­nan ne maıdanda bolýyna baılanysty syrqattaný saldarynan múgedek bolǵan burynǵy KSR Odaǵynyń ishki ister jáne memlekettik qaýipsizdik organdary­nyń basshy jáne qatardaǵy quramynyń adamdary;

1944 jylǵy 1 qańtardan bastap 1951 jylǵy 31 jeltoqsan aralyǵynda Ýkraı­na KSR-niń, Belorýs KSR-iniń, Lıtva KSR-iniń, Latvııa KSR-iniń, Estonııa KSR-iniń aýmaqtarynda joıǵysh batal­on­dardyń, vzvodtardyń jáne halyqty qorǵaý jasaqtarynyń komandalyq jaýyngerleri men quramy ishinen osy batalondarda, vzvodtarda, jasaqtarda qyz­mettik mindetterin atqarý kezinde alǵan jaraqat, kontýzııa, mertigý sal­darynan múgedek bolǵan adamdar;

Uly Otan soǵysy kezeńinde maıdan­daǵy armııa bólimderiniń áskerı qyzmet­shileri úshin belgilengen jeńildik jaǵ­daı­larynda zeınetaqy taǵaıyndaý úshin qorǵanysqa qatysýy 1998 jylǵy 1 qańtarǵa deıin eńbek ótiline eseptelgen qalalarda qyzmet ótkergen burynǵy KSR Odaǵynyń ishki ister jáne mem­lekettik qaýipsizdik organdarynyń áskerı qyzmetshileri, sondaı-aq basshy jáne qatardaǵy quramynyń adamdary;

Uly Otan soǵysy kezeńinde maı­dan­daǵy armııanyń quramyna kirgen áskerı bólimderde, shtabtarda, mekemelerde shtattyq laýazymdardy atqarǵan ne tıis­ti kezeńde maıdandaǵy armııa bólim­deri­niń áskerı qyzmetshileri úshin belgilengen jeńildik jaǵdaılarynda zeınetaqy taǵaıyndaý úshin qorǵanysqa qatysýy 1998 jylǵy 1 qańtarǵa deıin eńbek ótiline eseptelgen qalalarda bolǵan Keńes Armııasynyń, Áskerı-Teńiz Flotynyń, burynǵy KSR Oda­ǵynyń áskerleri men ishki ister jáne memlekettik qaýipsizdik organdarynyń erikti quramdaǵy adamdary;

Uly Otan soǵysy kezeńinde maı­dan­daǵy armııanyń jáne flottyń quramy­na kirgen bólimderdiń, shtabtar men mekemelerdiń quramynda polk balalary (tárbıelenýshileri) retinde bolǵan jetkinshekter men ıýngalar;

Ekinshi dúnıejúzilik soǵys jyldary shet elderdiń aýmaqtarynda partızandyq jasaqtardyń, astyrtyn toptardyń jáne basqa da antıfashıstik quralymdardyń quramynda fashıstik Germanııaǵa jáne onyń odaqtastaryna qarsy urys áreketterine qatysqan adamdar;

Qatynas joldary ha­lyq­tyq komıs­sarıa­ty, Baılanys halyqtyq komıs­sa­rıat­y, kásipshilik jáne kólik kemeleriniń júzetin quramy men avıa­tsııanyń ushý-kóterý quramy, buryn­ǵy KSR Odaǵynyń balyq ónerkásibiniń halyqtyq komıssarıaty, teńiz jáne ózen flotynyń arnaıy qurylymdarynyń Uly Otan soǵysy kezeńinde ás­kerı qyzmetshiler jaǵ­daıyna aýystyrylǵan jáne urystaǵy maıdandardyń, flot­tar­dyń jedel aımaq­tary­nyń tyldyq shekara­lary sheginde maıdandaǵy armııa men flottyń múdde­sin­degi tapsyrmalar­dy oryndaǵan jumysshylary, sondaı-aq Uly Otan soǵy­synyń basynda basqa mem­lekettiń porttarynda tur­ǵan kólik floty keme­le­ri­niń tutqyndalǵan ekıpaj­darynyń músheleri;

Qursaý kezeńinde Le­nın­grad qala­syn­da qalanyń kásiporyndarynda, meke­meleri men uıymdarynda jumys istegen jáne "Le­nın­­gradty qorǵaǵany úshin" medalimen jáne "Qursaý­daǵy Le­nıngrad turǵy­ny­na" belgisimen nagradtalǵan azamattar;

Kontslagerlerdiń, gettolardyń jáne ekinshi dúnıejúzilik soǵys kezeńinde fashıster men olardyń odaqtastary qur­­ǵan basqa da eriksiz ustaý oryn­darynyń burynǵy kámeletke tolmaǵan tutqyndary;

Ýaqytsha dushpan basyp alǵan aýmaq­­tarda jumys istegen kezeńdi qospaǵanda, 1941 jylǵy 22 maýsymnan 1945 jylǵy 9 mamyrdy qosa alǵan kezeń­de keminde alty aı jumys istegen adamdar nagradtalady.

3. Merekelik medalmen nagradtala­tyn azamattardyń tizimin jasaý jáne bekitý mynadaı tártippen júrgiziledi:

Tizimder osy Erejeniń 1-qosym­sha­syna sáıkes №1 nysan boıynsha osy Erejeniń 1-tarmaǵynda kórsetilgen adamdardyń ishinen azamattarǵa;

Qazaqstan Respýblıkasy Ulttyq qaýipsizdik komıtetiniń, Іshki ister mı­nıstrliginiń, Qorǵanys mınıstrliginiń, Respýblıkalyq ulanynyń, Prezıdenttiń Kúzet qyzmetiniń ortalyq appa­rat­ta­ry osy organdarda esepte turǵan adamdarǵa;

Jergilikti atqarýshy organdar - turǵylyqty jeri boıynsha.

Tizimderdi jasaýǵa jaýapty laýa­zym­dy adamdar olarǵa qol qoıady jáne or­talyq memlekettik jáne jergilikti at­qarýshy organdardyń basshylary bekitedi.

Tizimderdiń durys jasalýy úshin jaýaptylyq organdardyń basshylaryna júkteledi.

4. "1941-1945 j.j. Uly Otan soǵy­syn­daǵy Jeńiske 65 jyl" merekelik medalin tapsyrý Qazaqstan Respýb­lı­ka­sy Prezıdentiniń atynan jáne tap­syrmasy boıynsha júrgiziledi. Medal nagradtalýshynyń tizimge engizilgen jeri boıynsha tapsyrylady.

Nagradtalǵan adamǵa medalmen qosa belgilengen úlgidegi kýálik tabys etiledi.

5. "1941-1945 j.j. Uly Otan soǵy­syn­daǵy Jeńiske 65 jyl" merekelik medali sol jaq omyraýǵa taǵylady jáne "1941-1945 j.j. Uly Otan soǵysyndaǵy Jeńiske 60 jyl" merekelik medalinen keıin ornalasady.

6. Merekelik medaldyń tabys etil­gendigi týraly nagradtaý tizimine tıisti jazba jazylady.

Tabys etilmegen medaldar men olar­dyń kýálikteri qaıtarylý sebepteri kórsetile otyryp, Qazaqstan Respýb­lı­kasy Prezıdenti Іs basqarmasynyń Ordender qoımasyna qaıtarylady, bul týraly tizimderge tıisti belgi qoıylady.

Merekelik medaldyń tabys etil­gen­digi týraly málimetterdi osy Erejeniń 2-qosymshasyna sáıkes №2 nysan boıynsha ortalyq memlekettik jáne jergilikti atqarýshy organdar 2010 jyl­ǵy 1 shildege Qazaqstan Respýblıkasy Prezıdentiniń Іs basqarmasyna usy­nady.

Qazaqstan Respýblıkasy Prezıdentiniń 2010 jylǵy 19 naýryzdaǵy №951 Jarlyǵymen bekitilgen

"1941-1945 j.j. Uly Otan soǵysyndaǵy Jeńiske 65 jyl" merekelik medaliniń sıpattamasy

"1941-1945 j.j. Uly Otan soǵy­syn­daǵy Jeńiske 65 jyl" merekelik medali jezden daıyndalady, dıametri 32 mm. sheńber nysanynda bolady. Medaldyń bet jaǵynda І dárejeli Dańq ordeniniń beınesi, juldyzdyń tómengi sáýleleri­niń arasynda "1945-2010" tsıfrlary ornalasqan.

Medaldyń syrt jaǵynda, ortada "1941-1945 j.j. Uly Otan soǵysyndaǵy Jeńiske 65 jyl" degen jazý bar.

Medaldyń shetteri erneýmen jıektelgen. Medaldaǵy barlyq beıneler, jazýlar men tsıfrlar bederli.

Medal qulaqsha men shyǵyrshyq arqyly qyzyl tústi qatqyl jibek lentamen tystalǵan bes buryshty taǵanǵa jalǵanady.

Lentanyń eni 24 mm. Lentanyń or­ta­synda bes jolaq bar: úsh qara jáne eki qyzǵylt sary tústi, árqaısysynyń eni 2 mm. Shetki qara jolaqtary eni 1 mm. qyzǵylt sary jolaqtarmen jıek­telgen.

Medal kıimge túıreýish arqyly bekitiledi.

(«Egemen Qazaqstan», 2010 jylǵy naýryzdyń 27-sindegi №111-112 nómirleri)