Jeńiske jetýdegi ardagerlerdiń úlesi teńdessiz - Elshi M. Bocharnıkov
Jıynǵa RF Qazaqstandaǵy Tótenshe jáne Ókiletti Elshisi Mıhaıl Bocharnıkov qatysty.
«Birer kúnnen keıin bárimiz úshin qasıetti mereke - Jeńis kúni kelip jetedi. Osy Jeńiske jetý jolyndaǵy ardagerlerdiń qosqan úlesi teńdessiz dep bilemin. Keıingi tolqyndar, keleshek urpaqtar ardagerlerimizdiń bundaı jankeshtiligi jaıynda esh umytpaıdy dep oılaımyn. Sondyqtan da, bizdiń ortamyzda bolyp, sol bir qıyn kúnder týraly estelikterińizben bólisý arqyly jas urpaqty otanshyldyq pen patrıottyq rýhta tárbıeleýge septik tıgizgenderińiz úshin sizderge zor alǵys», - dedi Elshi M.Bocharnıkov.
Sonymen qatar, Elshi Qazaqstan men Reseı halyqtarynyń dostyǵy eki memlekettiń ustanymyndaǵy basty qaǵıdat ekendigin aıta kele, halyqtar arasyndaǵy beıbitshilik pen kelisimge Uly Otan soǵysynyń ardagerleri de mol úles qosqanyn jetkizdi.
«Rasynda aldyńǵy býynnyń tájirıbeleri men qundylyqtaryn negizinde eki memleket búgingi ómirlerin qalyptastyryp jatyr. Ortaq Otanymyzdy qorǵaý arqyly UOS ardagerleri keıingi urpaqqa beıbit ómir keshýge, ekonomıkany damytyp, óz ómirlerin jaqsartýǵa qatysty múmkindikti syılap ketti», - dedi M. Bocharnıkov.
