JEŃІSKE DEIІN 4 KÚN: Moravsk-Ostravsk jáne Bratıslavsk-Brnovsk shabýyl operatsııalarynyń aıaqtalýy
Moravsk-Ostravsk shabýyl operatsııasy. 5 mamyrda 4-shi Ýkraındyq maıdannyń 60-shy áskeri Shtrenberk irgesine kelip jetti. 68-shi ásker shekaranyń jol jıegine jetip, ońtústik-shyǵys Fýlnekte aıqas júrgizdi. 1-shi gvardııalyq ásker Frıshtat aýdanyna shyqsa, 18-shi ásker Rojnov-Vsetın-Vızovıtse jelisine deıin jetti. Osy shekte Moravsk-Ostravsk operatsııasy aıaqtaldy. 4-shi Ýkraındyq maıdan áskeri Moravsk-Ostravsk ónerkásiptik aýdanyn ıelendi. Operatsııa basynda ásker sany 317300 adam bolsa, shyǵyn 23964 (7,6 %), sanıtarlyq shyǵyn - 88657, barlyǵy - 112621, ortasha táýliktik - 1976 boldy.
Bratıslavsk-Brnovsk shabýyl operatsııasy. Bratıslavsk-Brnovsk operatsııasy aıaqtaldy. 2-shi Ýkraındyq maıdan áskeri 200 shaqyrymǵa jyljyp, Slovakııa, Bratıslavsk, Brnovsk ónerkásiptik aýdandaryn azat etýdi aıaqtady. Operatsııa basynda ásker sany - 272200, qaıtarymyz shyǵyn 16933 (6,2 %), sanıtarlyq shyǵyn - 62663, barlyǵy - 79596, ortasha táýliktik - 1895.
1945 jylǵy 5 mamyrda Vahenıngen qalasynda Nıderlandy aýmaǵynda nemis áskerin tize búktirý aktisine qol qoıyldy. Osyǵan oraı, Nıderlandyny azat etý kúni belgilendi.
5 mamyrda Horvatııada, Ońtústik Avstrııada aǵylshyn-amerıkalyq qolbasshylyq aldynda «E» A. Ler áskeri, Bavarııa men Batys Avstrııada F. Shýltstiń «G» áskeriniń toby, Forarlbergte jáne Tırolda 19-shy nemis áskeri tize búkti.
Chehoslovakııa astanasy Pragada jaýǵa qarsy kóterilis bastaldy. Oǵan nemis qolbasshylyǵy «Ortalyq» áskeriniń kúshi qarsy urys júrgizdi.
Keńes aqparattyq bıýrosy habarlaǵandaı, 5 mamyr kúni 3-shi Belarýs maıdanynyń áskeri Frısh-Nerýng múıisin qarsylastan tazalaý aıqasyn júrgizdi...
2-shi Belarýs maıdan áskeri Svınemıýnd qalasyndaǵy nemisterdiń iri porty men Baltyq teńizindegi áskerı-teńizdik bazany ıelenip, Vollın, Ýezd aralyn jaýdan tolyqtaı tazalady...
1-shi Belarýs maıdanynyń áskeri alǵa Brandenbýrgtiń ońtústik-bastys qalalaryna jyljı otyryp, Tsızar, Lobýrg, Býrg qalalaryn basyp aldy...
4-shi Ýkraındyq ásker Moravsk Ostravanyń ońtústik-batys, ońtústik qalalaryna basyp kirip, keskilesken aıqaspen Hof (Dvortse), Bern (Mor. Beroýn), Fýlnek, Mıstek qalalaryn, Melch, Raých, Domshtadtl, Shtadt Lıbaý, Bartoshovıtse, Metılovıtse, Frıdland, Kýnchıtse, Rojkov iri eldi mekenderin ıelendi.
2-shi Ýkraındyq maıdan áskeri Brnonyń soltústik-shyǵysynda shaıqasty jalǵastyra otyryp, Kromerjıj qalasyn basyp aldy...
Jeńiske 4 kún qaldy.
