JEŃІSKE 70 JYL: Paradta avıatorlar áýede «70» sanynyń beınesin kórsetedi
«Áskerı ushqyshtar jeke jáne pılotajdy top quramynda joǵarǵy pılotaj fıgýralaryn oryndap, óz sheberlikterin kórsetpek. Avıatorlar uly jeńistiń mereıtoıyn aıǵaqtaıtyn «70» sanyn áýede kórsetip kórermenderge syı jasaıdy. 7 mamyr kúni Astana aspany astynda qazaqstandyq ÁÁK qarýynyń bir bóligi bolyp sanalatyn 70 avıatsııalyq tehnıka áýege kóteriledi»,-dep atap ótilgen QR Qorǵanys mınıstrligi málimetinde.
Bular maıdandyq, áskerı-kóliktik jáne armııa avıatsııasynyń Sý-25, Sý-27, Sý-30, MıG-29, MıG-31, MıG-27, An-26, An-72, Tý-134, Tý-154, S-295 (Airbase Military) ushaqtary, sondaı-aq Mı-8, Mı-17, Mı-171, Mı-26, K-32 jáne ES-145 (Evrokopter) tikushaqtary.
Budan ózge paradqa QR Qarýly Kúshteriniń tarıhynda tuńǵysh ret qazaqstandyq Áskerı-áýe kúshteriniń sapyn tolyqtyrǵan jańa joǵarǵy manevrli Sý-30SM joıǵysh ushaǵy qatysatyn bolady.
«Aldaǵy parad - bizdiń bolashaǵymyz úshin, beıbitshilik pen bostandyq úshin kúresken batyr ata-babalarymyzǵa qurmet, sondaı-aq búginde el qorǵany bolyp tabylatyn qazaqstandyq armııanyń jaýyngerlik kúsh-qýatyn kórsetedi. Erteń 5 mamyr kúni Astanadaǵy aıtýly áskerı paradtyń bas daıyndyq sharalary ótetin atap ótken jón. Aýqymdy sherýge 5 000-nan asa áskerı qyzmetshi, 220 birlik zamanaýı qarý-jaraq pen áskerı tehnıka, sonymen birge 70 birlik qazirgi zamanǵy avıatsııa tehnıkasy tartylady»,-delingen vedomstvo habarlamasynda.
