«Jeńisimdi ómirlik ǵumyrymda meni qoldap, maǵan sengen adamdarǵa arnaımyn» - St.Petersburg Open-2010 jeńimpazy, qazaqstandyq tennısshi M.Kýkýshkın
ASTANA. 2 qarasha. QazAqparat /Jasulan Amanbaıuly/ - «Óz jeńisimdi ómirlik ǵumyrymda meni qoldap, maǵan sengen adamdarǵa arnaımyn», - deıdi St.Petersburg Open-2010 týrnıriniń fınalynda reseılik sportshy Mıhaıl ıÝjnyıdy jeńgen Qazaqstan tennısshisi Mıhaıl Kýkýshkın.
Búgin tańerteń M. Kýkýshkın mingen ushaq Astanaǵa qondy. Biraz tynyǵyp alǵannan soń, ol qazaqstandyq jýrnalıstermen kezdesti.
«St.Petersburg Open týrnıriniń eń aýyr kezdesýleri retinde shırek fınalda Ianko Tıpsarevıch pen aqtyq týrda Mıhaıl ıÝjnyımen oınaǵan oıyndarymdy atap óter edim. Fınal óte aýyr tartysta ótti. Biz árbir dop úshin talastyq. Ekinshi set 1 saǵat 42 mınýt jalǵasty. Bul match bar kúshti sarqyp aldy»,-deıdi M. Kýkýshkın baspasóz máslıhatynda.
«Biz ıÝjnyı ekeýmiz byltyrdan beri birge jattyǵýda bolyp, birge daıyndalyp kelemiz. Jattyǵýda jıi-jıi birge daıyndalýymyz qarsylastyń osal jáne myqty tustaryn jaqsy tanýǵa, utymdy taktıka oılap tabýǵa múmkindik berdi. Sonymen qatar álemdik ondyqtaǵy oıynshysymen birlesip daıyndyq jasaý óziniń paıdasyn ákelgeni sózsiz»,-dep atap kórsetti ol.
M. Kýkýshkınniń aıtýynsha, Challenger ATP PRESIDENT'S CUP serııaly halyqaralyq týrnırinen keıin, ol qarasha aıynyń orta kezinde ótetin Qytaıdaǵy jazǵy Azııa oıyndaryna Qazaqstan atynan qatysýǵa attanady. Sonymen onyń oıyn maýsymy bıylǵa aıaqtalady.
Esterińizge sala keteıik, fınaldyq oıynda M.Kýkýshkın Reseı sportshysyn eki setkada 6:3, 7:6 esebimen jeńgen bolatyn.
Sankt-Peterborda qol jetkizgen jeńisinen keıin Mıhaıl Kýkýshkın álemdik tennıs dáreje satysynda joǵary kóterilip, 113 myń dollarlyq júlde qoryn qanjyǵasyna baılady. St.Petersburg Open (Sankt-Peterbor Open) - bul 1995 jyldan bastap Sankt-Peterborda ótetin erler arasyndaǵy tennıs týrnıri.
