Jeńisimdi barsha Qazaqstan halqyna arnaımyn - «Úlken opera» baıqaýynyń jeńimpazy S. Ahmetova
ASTANA. QazAqparat - Búgin Ortalyq kommýnıkatsııalar qyzmetindegi brıfıngte Reseıde ótken «Úlken opera» jas oryndaýshylar televızııalyq baıqaýynyń jeńimpazy Saltanat Ahmetova óziniń Máskeýdegi bul jeńisin barsha qazaqstandyqtarǵa arnaıtyndyǵyn aıtty.
«Bul jeńisti barsha Qazaqstan halqynyń jetistigi dep bilemin. Barshasyna, ásirese mádenıet salasyna qoldaý jasap júrgeni úshin elmizdiń Prezıdentine úlken alyǵysymdy aıtqym keledi. Atap aıtqanda, ustazyma, ujym dırektoryna rızashylyǵymdy bildiremin», - dedi opera ánshisi.
Óz kezeginde «Astana Opera» teatrynyń dırektory Tóleýbek Álpıev Saltanat Ahmetovany 2007 jyldan beri biletindigin jáne sol kezde jas ánshiniń talantyn baıqaǵanyn atap ótti.
Sonymen qatar ol atalǵan baıqaýda S. Ahmetovanyń jeńisi úshin barsha teatr ujymy tilektes bolǵandyǵyn aıta kele: «Biz barshamyz Saltanat úshin ýaıymdadyq. Baıqaýǵa qatysý úshin kelip túsken kóptegen ótinimderdiń arasynan tek 20 adamdy ǵana iriktep aldy. ıAǵnı, eń talantty degenderi ǵana qaldy», - dedi. Osy oraıda teatr basshysy qazylar alqasy Saltanattyń ónerin joǵary baǵalaǵanyn atap ótti.
Esterińizge sala keteıik, «Úlken opera» baıqaýy 29 qarashada Chaıkovskıı atyndaǵy Máskeý konservatorııasynda márege jetti.
