Jeńis úshin bar kúshimdi saldym – Elena Rybakına

NUR-SULTAN. QazAqparat – Qazaqstannyń birinshi, álemniń 23-raketkasy Elena Rybakına Ýımbldon týrnıriniń jartylaı fınalynda jeńis úshin baryn salǵanyn jetkizdi, dep habarlaıdy QazAqparat tilshisi.

Qazaqstandyq tennısshiniń aıtýynsha, bul myqty match boldy.

«Qarsylasym Sımona Halep – Ýımbldon chempıony atanǵan sportshy, budan buryn da kezdesýlerimiz óte tartysty ótken edi. Osy joly óz ónerime rızamyn, eń bastysy, sapaly oınadym. Árıne, júıkege ońaı tıgen joq, degenmen burynǵy matchtar meniń bekinip shyǵýyma septigin tıgizdi. Buryn Ortalyq kortta oınaǵan joq edim, biraq bul maǵan áser ete qoıǵan joq. Jankúıerlerim qarsy alǵan kezde erekshe sezimge bólendim. Qıyn bolǵanyna qaramastan, báseke nátıjesinde jeńiske jetkenime óte qýanyshtymyn. Ádette búkil matchta turaqty oınap shyǵý qoldan kelmeıtin, bul joly psıhologııalyq daıyndyǵym jaqsy bolyp, bar sheberligimdi kórsete bildim», dedi E.Rybakına.

Elena sondaı-aq álemniń 2-raketkasy, týnıstik Ons Jabermen ótetin fınalǵa da toqtaldy.

«Bul tartysty match bolatyny anyq, ol – óte myqty tennısshi. Oǵan qarsy turý qıyn. Degenmen men taǵy da bar kúsh-jigerimdi jumsaımyn. Sońǵy eki aptada aıtýly tabystarǵa qol jetkizdim, osylaı jalǵastyra bergim keledi», dedi E.Rybakına.

Eske sala keteıik, budan buryn Elena Rybakınanyń alǵash ret Ýımbldon týrnıriniń fınalyna shyqqanyn jazǵan bolatynbyz.

Sondaı-aq Elena Rybakına Ýımbldonda jartylaı fınaldyq kezdesýin ótkizedi.

Sondaı-aq Memleket basshysy Rybakınany jeńisimen quttyqtady.

Foto: ktf.kz