Jeńis týyn jelbiretken jerlesterimiz elge oraldy
ShYMKENT- Búgin Rıo olımpıadasynda qazaq eliniń týyn kókke jelbiretken oblysymyzdyń sportshylary Shymkentke oraldy, dep habarlaıdy «Qazaqstan-Shymkent» telearnasy.
Jeńimpazdardy qarsy alýǵa óńirimizdiń barlyq aımaǵynan jankúıerleri kelip zor qoshemet kórsetti. Sportshylar qalanyń ortalyq kóshelerin aralap, «Alǵa Qazaqstan!» dep urandatty.
«Qazir birer mınýttardan soń Rıo olımpıadasynda el namysyn qorǵaǵan sportshylar Shymqalamyzǵa keledi. Jalpy bul jarysqa óńirimizden 21 sporty attanǵan bolatyn. Brazılııa topyraǵynda el namysyn qorǵaǵan sportshylardyń olımpıadadan keıingi kóńil-kúıi qalaı? Qazir kóretin bolamyz», dep habarlady telearna tilshisi.
Eldiń atyn shyǵarǵan sportshylarymyzdy qazaq jurty maqtan tutady. Eńbektegen baladan, eńkeıgen qartqa deıin úzbeı baqylaǵan dodada úmitti aqtaǵan saıypqyrnandarǵa eldiń alǵysy sheksiz.
«Qýanyshtan júregimiz jaralyp tur. Bizdiń Jazıra qyzymyz, olımpıada júldegeri bolyp elge oralyp jatyr. Alǵa, Qazaqstan! Tek qana jeńisti kúnderde kezdese bereıik! Bizdiń jerlesimiz jasasyn!», dedi jankúıer Rasıl Baıkov.
Mine kópten kútken sportshylarymyz da keldi. Ystyq yqylas, zor qoshemet, izgi tilek, bári-bári jeńis týyn jelbiretkenderge arnaldy. Elimizge tanymal aıtysker aqyn arnaýyn aıtyp, qala basshylary oblys turǵyndary atynan quttyqtaý lebizderin jetkizdi.
Áýejaıdaǵy saltanatty jıynnan soń sportshylar avtobýspen qala kóshelerin aralap, «Alǵa Qazaqstan» dep urandatty. Jolda júrip bara jatqan júrginshiler toqtap, sportshylarǵa qurmet kórsetti. Endi biri rızashylyqtaryn bildirip jatty.
El namysy úshin ózinen eki ese aýyr salmaqty kótergen arý qyzdyń aıtýynsha - densaýlyǵyndaǵy kinarattarǵa qaramastan, elim úshin barymdy saldym deıdi. Etken eńbek esh ketpedi.
«Belimde jaraqat boldy, saýsaǵymnyń býyndary aýyrdy, tizem aýyrdy. Soǵan qaramastan, Qazaq elimniń namysy úshin barymdy salyp, osyndaı júldege ıe boldym», dedi Rıo olımpıadasynyń kúmis júldegeri Jazıra Japparqul.
«Bizdiń óńirimiz joldamalar sanynan birinshi orynda tur. Medaldar jaǵynan biz josparlap daıyndaǵan sportshylarymyzdyń barlyǵy jaqsy óner kórsetti. Alaıda, 1-2 medalimizdi tóreshilerdiń ádiletsizdiginen ala almadyq. Degenmen de, kóńilimiz tolady. Osy medaldar keleshekte jastarǵa serpin beredi dep oılaımyn», dep málimdedi oblystyq dene shynyqtyrý jáne sport basqarmasynyń basshysy Álibek Nurtaev.
Dúbirli doda ótti. Sportshylarymyz elge aman oraldy. Jeńis te boldy, jeńilis te boldy. Degenmen, bul sporttyq saıystyń alǵashqysy da, sońǵysy da emes. «Eń bastysy aldaǵy olıpıada oıyndaryna jıǵan tájirıbe qaldy. Sondyqtan, endigi Tokıoda ótetin jarysqa barynsha daıyndalyp, jeńis tuǵyrynan kórinýge atsalysamyz deıdi»,- jeńimpazdar.
